អាហារ និងសុខភាព
|
វិធីងាយៗ ជួយថែរក្សា ស្រ្តីមានផ្ទៃពោះ និង ទារក ឱ្យមានសុខភាពល្អតើធ្វើដូចម្តេចដើម្បីធ្វើឱ្យផ្ទៃពោះ មានសុខភាព ? គឺជារឿងល្អបំផុត ដែលអ្នកអាចធ្វើបានគឺត្រូវចាប់ ផ្តើម ជាមួយនឹងការថែរក្សាទារក របស់អ្នកមុនពេលវា ត្រូវបានសំរាលមក ។ ខាងក្រោមនេះ វិធីសាស្រ្តមួយចំនួន ដែលអាចជួយមិត្តស្រ្តី ៗ បានមុនពេល សំរាល កូនឱ្យម្តាយ និង ទារក មានសុខភាពល្អ៖
១/ត្រូវធ្វើការ ការណាត់ជួបជាមួយអ្នកផ្តល់សេវាថែទាំសុខភាពរបស់អ្នក ហើយចាប់ផ្តើមការ ថែទាំមុនពេលសំរាលទារក ។ ២/សូមប្រាកដថាអ្នកមិនផឹកគ្រឿងស្រវឹង ឬទទួលយកថ្នាំញៀន។ ប្រសិនបើអ្នកជក់ បារីសូម ៣/ការពិភាក្សាជាមួយអ្នកផ្តល់សេវាថែទាំសុខភាពអំពីការផ្តល់ថ្នាំដើម្បីមានសុវត្ថិភាពក្នុងអំឡុងពេលមានផ្ទៃពោះរបស់អ្នកត្រូវធ្វើតាមការណែនាំរបស់គ្រូពេទ្យ ។ ថ្នាំមួយចំនួនអាចបង្កឱ្យមានពិការភាពពីកំណើត (បាត់បង់អវៈយវៈណាមួយនៃរាងកាយទារក) ។ ៤/បរិភោគអាហារបំប៉នត្រូវទទួលទានអាហារដែលមានសារធាតុខ្លាញ់បន្ថែម ដើម្បីឱ្យរាងកាយរបស់អ្នក នៅតែបន្តការរីកលូតលាស់ខណៈដែលអ្នកមានផ្ទៃពោះដើម្បីរក្សាឱ្យអ្នក និងកូនរបស់អ្នក រឹងមាំ និង មានសុខភាពល្អ ។ ៦/ដុសធ្មេញ របស់អ្នកក្រោយពីទទួលទានអាហារនិងការថែរក្សាអញ្ចាញធ្មេញរបស់អ្នកជារៀងរាល់ថ្ងៃ ។ល៕ ការបរិភោគអាហារត្រឹមត្រូវដើម្បីសុខភាពល្អ ពេលមានគភ៌ តើខ្ញុំគួរបរិភោគអាហារប្រភេទណាខ្លះ? កម្រិតទី១៖ បាយ នំបញ្ចុក / គុយទាវ /មី នំប៉័ង គ្រាប់ធញ្ញជាតិដទៃទៀត និង អាហារដែល ចម្រាញ់ ចេញពីគ្រាប់ធញ្ញជាតិនិងមើមឈើបរិភោគ ៨ ទៅ ១២ពេល។ តើពេលមានគភ៌ខ្ញុំគួរបរិភោគអាហារសម្រាប់មនុស្សពីរនាក់មែនឬទេ ? តើខ្ញុំត្រូវការកាឡូរីបន្ថែមប៉ុន្មានទៀត ? ពេលមានផ្ទៃពោះអ្នកនឹងឡើងគីឡូ ។ការឡើងទម្ងន់នេះមិនមែនឡើងដោយឯកឯងនោះទេគឺវាឡើងដោយសារទារកកាន់តែរីកធំធាត់ក្នុងផ្ទៃ!ប៉ុន្តែ ប្រសិនបើមុនពេលមានគភ៌អ្នកមានទម្ងន់សមល្មមនិង ប្រព័ន្ធរំលាយអាហារមានសុខភាពល្អអ្នកគួរឡើងគីឡូត្រឹមចន្លោះពី១០គីឡូទៅ១៣គីឡូប៉ុណ្ណោះ ។ អ្នកត្រូវការបន្ថែមកាឡូរីតែក្នុងតំណាក់កាលត្រីមាសទីបីប៉ុណ្ណោះ។ចំពោះស្រ្តីដែលមានទម្ងន់សមល្មមមុនពេលមានគភ៌គាត់ត្រូវការ២០០-៣០០កាឡូរីបន្ថែមក្នុងមួយថ្ងៃ។ប៉ុណ្ណឹងគ្រប់ គ្រាន់ល្មម។ ឥឡូវ ចូរឈប់គិតពីការបរិភោគអាហារឌុបនេះទៀតទៅ!គ្រាន់តែប៊ើរពីរបន្ទះបន្ថែមក្នុងអាហារមួយពេលគឺល្មមអាចបង្រ្គប់កាឡូរីដែលត្រូវការបន្ថែមនោះទៅហើយ! អ្វីដែលគួរបរិភោគនៅពេលមានផ្ទៃពោះ ? ការបិរភោគតិចឬច្រើនមិនសំខាន់ដូចការបរិភោគឲ្យត្រឹមត្រូវតាមក្រិត្យក្រមនោះទេ។ទារករបស់អ្នកទទួលជីវជាតិអាហារពីអ្នកដោយផ្ទាល់។ដូច្នេះចូរអ្នកបរិភោគអាហារឲ្យមានតុល្យភាពពោលគឺអ្នកមិនត្រូវទទួលទានអាហារដែលមានជាតិស្ករច្រើនពេក (ដែលអាចនាំឲ្យកម្រិតជាតិស្ករក្នុងឈាមអ្នកកើនខ្ពស់និង ថយចុះវិញយ៉ាងគំហុកដែលបង្កបញ្ហាដល់ប្រព័ន្ធរំលាយអាហារនិងអាចធ្វើឲ្យអ្នកមានអាការល្ហិតល្អៃនិងវិលមុខធីងធោងជាញឹកញយ ។ ប្រការសំខាន់គឺអ្នកមិនត្រូវបង្ខំខ្លួនឲ្យបរិភោគអាហារពេកទេ។ មានថ្ងៃខ្លះអ្នកនឹងមានអារម្មណ៍ដូចជាឃ្លានខ្លាំង។ ឯថ្ងៃខ្លះទៀតអ្នកនឹងធុញទ្រាន់ចំណី។ប្រសិនបើអ្នកចាញ់កូនចូរអ្នកបរិភោគតិចៗតែញឹកញាប់។ធ្វើដូច្នេះអាចជួយបន្ធូរអាការនេះបានផងដែរ។ចូរអ្នកបណ្តោយខ្លួនឲ្យទៅតាមក្រឹត្យក្រមធម្មជាតិរបស់មនុស្ស។មិនយូរមិនឆាប់អ្នកនឹងស្ងើចសរសើរអំពីភាពអស្ចារ្យនៃរាងកាយរបស់អ្នកដែលធម្មជាតិផ្តល់ឲ្យយ៉ាងស័ក្តិសមសម្រាប់ត្រៀមសម្របខ្លួនក្នុងពេលមានផ្ទៃពោះនេះ! វីតាមីន និង អាហារបំប៉នបន្ថែម ក្នុងពេលមានផ្ទៃពោះវីតាមីន និង អាហារបំប៉នបន្ថែម ក្នុងពេលមានផ្ទៃពោះ អាហារបំប៉នសំខាន់ៗ ក្នុងពេលមានផ្ទៃពោះអាហារបំប៉នជាក់លាក់មួយចំនួន មានសារសំខាន់សម្រាប់ជួយការរីកលូតលាស់របស់ទារកអ្នក ក្នុងពេលមានគភ៌ ។ វីតាមីន និង អាហារបំប៉ន ដែលអ្នកត្រូវការជាចាំបាច់ ក្នុងពេលមានផ្ទៃពោះ ៖ អាស៊ីតហ្វូលីក អាស៊ីតហ្វូលីក ជួយកាត់បន្ថយគ្រោះថ្នាក់ទារកកើតមិនគ្រប់លក្ខណៈ ដូចជាជំងឺពិការខួរឆ្អឹងខ្នង ។ ប្រការសំខាន់បំផុត គេត្រូវទទួលទានវីតាមីននៃអាស៊ីតហ្វូលីកនេះ ពីរបីខែមុនមានគភ៌ និង ក្នុងតំណាក់កាលត្រីមាសដំបូង(១២ សប្តាហ៍) ។ ជាការសំខាន់ក្នុងតំណាក់កាលនេះអ្នកត្រូវបរិភោគអាហារណាដែលនាំឲ្យអ្នកមានសុខភាពល្អ និង មានតុល្យភាព និង ទទួលទានវីតាមីននៃអាស៊ីតហ្វូលីកនេះជាជំនួយផងដែរ។ វីតាមីនក្នុងប្រភេទអាស៊ីតហ្វូលីកនេះ មានក្នុងអាហារដែលមានអាស៊ីតហ្វូលីកខ្ពស់ រួមមានប្រភេទបន្លែពណ៌បៃតង ដូចជា ខាត់ណាបៃតង ស្ពៃក្តោប គ្រាប់សណ្តែក សណ្តែកបារាំង និង ផ្លែឈើ ដូចជាផ្លែក្រូចជាដើម ។ ជាតិដែក និង វីតាមីនសេ ក្នុងចំណោមជីវជាតិអាហារបំប៉នសំខាន់ៗ ជាតិដែកជាជីវជាតិអាហារបំប៉នសំខាន់មួយប្រភេទ ដែលអ្នកត្រូវការជាចាំបាច់ ក្នុងពេលមានផ្ទៃពោះ។ ជាតិដែកនេះមានសារសំខាន់ ក្នុងការជួយបញ្ជូនអុកស៊ីហ្សែនបន្ថែមក្នុងគ្រាប់ឈាមក្រហមរបស់អ្នក និង ទារកអ្នកត្រូវការជាតិដែកជាចាំបាច់ សម្រាប់ការលូតលាស់ខួរក្បាលរបស់ទារក ។ ពេលនេះ ប្រសិនបើអ្នកខ្វះជាតិដែក ទារករបស់អ្នកអាចមានសុខភាពធម្មតា។ ប៉ុន្តែអ្នកនឹងប្រឈមគ្រោះថ្នាក់នៃជំងឺខ្វះឈាម ដែលធ្វើឲ្យអ្នកមានអាការអស់កម្លាំង ស្លេកស្លាំង ល្ងិតល្ហៃ និង មិនស្រួលខ្លួន។ ប្រសិនបើអ្នកទៅជួបគ្រូពេទ្យ គាត់នឹងឲ្យអ្នកទទួលទានជាតិដែកបន្ថែម ។ ប្រសិនបើអ្នកមិនបានទៅជួបពេទ្យទេ អ្នកត្រូវតែទទួលទានអាហារណាដែលមានជាតិដែកខ្ពស់ ដូចជាសាច់សុទ្ធ ត្រីសាច់ ស៊ុត ផ្លែឈើក្រៀម អាហារធ្វើពីគ្រាប់ធញ្ញជាតិ នំប៉័ង និង បន្លែស្លឹកបៃតង ។ រាងកាយរបស់អ្នកស្រូបយកជាតិដែកបានល្អ ប្រសិនបើអ្នកបរិភោគផ្លែឈើ ឬ បន្លែណាដែលមានវីតាមីនសេខ្ពស់ក្នុងពេលដំណាលគ្នា ។ ដូច្នេះ ចូរអ្នកពិសាទឹកក្រូចស្រស់មួយកែវ ក្នុងពេលពិសាអាហារធ្វើពីគ្រាប់ធញ្ញជាតិ ឬ ពិសាផ្លែឈើស្រស់ខ្លះសិន មុននឹងចាប់ផ្តើមពិសាអាហារសំខាន់ប្រចាំថ្ងៃ ។ អាស៊ីតខ្លាញ់អូមេហ្កា ៣ ប្រការសំខាន់ ក្នុងពេលមានផ្ទៃពោះ ស្រ្តីត្រូវការអាស៊ីតខ្លាញ់អូមេហ្កា ៣ គ្រប់គ្រាន់ ។ អាស៊ីតប្រភេទនេះ ជួយប្រព័ន្ធសរសៃប្រសាទរបស់ទារក ឲ្យរីកលូតលាស់បានល្អ និងជួយការពារកុំឲ្យអ្នកកើតជំងឺបេះដូង។ មិនតែប៉ុណ្ណោះតាមការសិក្សាបានបង្ហាញថា ជាតិខ្លាញ់អូមេហ្កា ៣ ក្នុងពេលមានផ្ទៃពោះ អាចជួយឲ្យទារកមានខួរក្បាលឆ្លាតវៃ! ខ្លាញ់ត្រីមួយចំនួន ដូចជាត្រីសាឌីន ត្រីកាម៉ុង និង ត្រីសូម៉ុង គឺសុទ្ធតែមានអាស៊ីតខ្លាញ់អូមេហ្កា ៣ ខ្ពស់។ ទោះជាយ៉ាងនេះក្តី អ្នកមិនត្រូវបរិភោគវាលើសពី២ដងក្នុងមួយសប្តាហ៍ឡើយ ដ្បិតត្រីប្រភេទនេះក៏មានផ្ទុកសារធាតុបារតផងដែរ។ សារធាតុបារតច្រើន អាចបង្កគ្រោះថ្នាក់ដល់ទារករបស់អ្នក ។ អាស៊ីតខ្លាញ់ អូមេហ្កា៣ នេះក៏មាននៅក្នុងគ្រាប់បន្លែ ដូចជាគ្រាប់ល្ពៅ និងល្ងរ។ អ្នកពិសាវាប្រហែល២ស្លាបព្រាកាហ្វេក្នុងមួយថ្ងៃ ឬ បើមិនដូច្នេះទេ អ្នកអាចពិសាអាហារបន្ថែមជំនួសក៏បាន ។ វីតាមីនបន្ថែមពេលមានគភ៌ អ្នកអាចជ្រើសយកវីតាមីនបន្ថែមមានចម្រុះមុខស្រាប់ ដែលគេផលិតយ៉ាងពិសេសសម្រាប់ស្រ្តីត្រៀមមានគភ៌ ឬ កំពុងមានគភ៌ក៏បាន។ វីតាមីនបន្ថែមនេះ ជួយឲ្យអ្នកមានជីវជាតិអាហារបំប៉នតាមតុល្យភាពត្រឹមត្រូវ សម្រាប់ឲ្យស្រ្តីនិងទារកមានសុខភាពល្អ រួមមានទាំងអាស៊ីតហ្វូលីក និងជាតិដែកផង ។ ប៉ុន្តែ នៅពេលជ្រើសរើសប្រភេទវីតាមីន ចូរជ្រើសយកតែវីតាមីនបន្ថែមណា ដែលប្រើសម្រាប់ពេលត្រៀមមានគភ៌ និង ពេលមានគភ៌ គឺមិនមែនជ្រើសយកវីតាមីនចម្រុះមុខសម្រាប់ប្រើទូទៅនោះទេ ដ្បិតវីតាមីនចម្រុះមុខ វាអាចមានលាយទាំងវីតាមីនផ្សេងៗទៀតដែលពេទ្យហាមប្រើ ។ វីតាមីនដែលគួរចៀសវាងពេលមានគភ៌ វីតាមីន អាអាហារដូចជា សាច់ក្រកញាត់ថ្លើមសត្វ ជាប្រភពសម្បូរជាតិដែកខ្លាំង ប៉ុន្តែ វាអាចផ្ទុកវីតាមីន អា ច្រើនផងដែរ។ វីតាមីន អា ច្រើនពេក អាចប៉ះពាល់ដល់ទារក ។ ដូច្នេះ ជាការល្អ ស្រ្តីមានផ្ទៃពោះ គប្បីជៀសវាងថ្លើមសត្វ និង អាហារដែលមានជាតិថ្លើមសត្វ ។ អ្នកគួរប្រយ័ត្នផងដែរ ដ្បិតក្នុងប្រភេទវីតាមីនបន្ថែមខ្លះ គឺមានវីតាមីនប្រភេទនេះ។ ដូច្នេះចូរជ្រើសរើសវីតាមីនបំប៉នបន្ថែមប្រភេទណាដែលមិនប៉ះពាល់ដល់សុខភាពអ្នក និង ទារក។ គ្រូពេទ្យរបស់អ្នកអាចជួយអ្នកបានក្នុងរឿងនេះ ។ ទោះជាយ៉ាងនេះក្តី មានវីតាមីន អា មួយប្រភេទ ហៅថាការ៉ូទីន ស្រ្តីមានផ្ទៃពោះអាចប្រើបាន ។ ការ៉ូទីនមានក្នុងម្ទេសប្លោកក្រហម ម្ទេសប្លោកលឿង និង ម្ទេសប្លោកពណ៌ទឹកក្រូច ស្វាយ ការ៉ុត ដំឡូងជ្វា ប៉េងប៉ោះ ផ្លែ និង បន្លែ watercress ។ សុរា និង ការមានផ្ទៃពោះតើប៉ះពាល់អ្វីខ្លះ កាលណាអ្នកទទួលទានសុរាក្នុងពេលមានផ្ទៃពោះ?គួររម្លឹកថា ពេលមានគភ៌ កាលណាអ្នកក្រេបសុរាចូលពោះ ទារកក្នុងផ្ទៃរបស់អ្នកក៏ក្រេបសុរានោះដែរ ។ ការសិក្សាបានរកឃើញថា ការពិសាសុរាជាប្រចាំអាចមានគ្រោះថ្នាក់ ។ ជាតិសុរានឹងជ្រាបភ្លាមទៅដល់ទារករបស់អ្នកតាមរយៈសុក។ ចូរអ្នកកុំភ្ញាក់ផ្អើល ដ្បិតសុរាងាយជ្រាបចូលក្នុងសរសៃឈាមរាងកាយរបស់អ្នកបំផុត ប៉ុន្តែដើម្បីបណ្តេញជាតិសុរានេះចេញពីប្រព័ន្ធរាងកាយវិញ គឺវាត្រូវការរយៈពេលយូរជាងនេះ ដល់ទៅពីរដង ។ តើមានផលប៉ះពាល់យូរអង្វែងអ្វីខ្លះដល់ទារករបស់អ្នក ប្រសិនបើអ្នកពិសាសុរាក្នុងពេលកំពុងមានផ្ទៃពោះ ?គួររម្លឹកថា ការទទួលទានសុរាលើសពី ២ កែវ ក្នុងមួយថ្ងៃ មានន័យថា ទារករបស់អ្នកនឹងជួបបញ្ហាលំបាកក្នុងការរៀនសូត្រ ការនិយាយស្តី ការផ្ចង់អារម្មណ៍ ភាសា និងការងប់នឹងធ្វើអ្វីមួយហួសហេតុ ។ គេហៅផលប៉ះពាល់អវិជ្ជមានទាំងអស់នេះ ថាជាផលប៉ះពាល់ដោយសារឥទ្ធិពលសុរាក្នុងពេលមានគភ៌ Foetal Alcohol Effects (FAE) ។ ប្រសិនបើ អ្នកពិសាសុរាលើសពី ៥កែវក្នុងមួយថ្ងៃ ក្នុងពេលមានផ្ទៃពោះ អ្នកនឹងប្រឈមគ្រោះថ្នាក់នៃរោគសញ្ញាដោយឥទ្ធិពលសុរាក្នុងពេលមានគភ៌ Foetal Alcohol Syndrome (FAS)។ រោគសញ្ញានេះ មានលក្ខណៈស្រួចស្រាល់ រហូតធ្វើឲ្យកូនរបស់អ្នកលូតលាស់ខួរក្បាលនិងកាយសម្បទាយឺត ខូចចរិត និង ខូចទម្រង់មុខមាត់ និង ឈឺជំងឺបេះដូង ។ ការពិសាសុរាក្នុងដំណាក់កាលដំបូងៗនៃពេលមានគភ៌ជាការពិត អ្នកវិទ្យាសាស្រ្តមិនដឹងថា តើការពិសាសុរាពីរបីកែវ អាចជួយអ្វីខ្លះដល់ទារកអ្នកក្នុងដំណាក់កាលដំបូងៗនៃពេលមានគភ៌ឡើយ។មានស្រ្តីជាច្រើនបានពិសាសុរាញឹកញាប់មុនដឹងថាពួកគាត់មានគភ៌ ( ប៉ុន្តែពេលបុត្រប្រសូត្រមក បុត្រទាំងនោះមានសុខភាពល្ អ) ។ ទោះជាយ៉ាងនេះក្តី ភ្លាមៗពេលអ្នក ដឹងថាអ្នកមានគភ៌ ជាការល្អ អ្នកគួរជៀសឲ្យឆ្ងាយពីសុរា ឬប្រសិនបើជៀសមិនបាន អ្នកគួរទទួលទានវាទៅតាមការណែនាំរបស់ភ្នាក់ងារស្តង់ដាចំណីអាហារ ដែលអនុញ្ញាតឲ្យអ្នកពិសាសុរាបាន ១ កែវ ឬ ២កែវម្តងឬពីរដងក្នុងមួយសប្តាហ៍ ។ ប្រសិនបើអ្នកចង់មានគភ៌ អ្នកអាចលះបង់ការពិសាសុរាជាមុន ដើម្បីកាត់បន្ថយក្តីកង្វល់មួយនេះ តើសុរា ១ កែវច្រើនប៉ុនណា ?ប្រសិនបើអ្នកជួបជុំពិសាសុរានៅផ្ទះមិត្តភ័ក្តិ ចូរកុំភ្លេចថា មនុស្សច្រើនណាស់ដែលសប្បាយចាក់សុរា ពេញៗកែវ និង ចូរចាំថា កែវស្រានៅបារ៍ តូចៗមិនដូចកែវស្រានៅតាមផ្ទះ ! ១ កែវស្មើនឹង៖ - ស្រាបៀរធម្មតា ២៣៦ មិល្លីលីត្រ - ស្រាបៀរខ្លាំង ១១៩ មិល្លីលីត្រ - ស្រា ១ កែវតូច បើដូច្នេះ តើអ្នកអាចពិសាភេសជ្ជៈអ្វីខ្លះ?សុរា និង ការមានផ្ទៃពោះ គឺជារឿងពីរដាច់ពីគ្នា។ ដូច្នេះ ហេតុអ្វីអ្នកមិនជ្រើសរើសពិសាភេសជ្ជៈគ្មានជាតិសុរា ឬ ពិសាត្រឹមស្រាបៀរវិញ? ឬ បើមិនដូច្នេះទេ អ្នកគួរពិសាស្រាក្រឡុកក៏បាន៖ ស្រាក្រឡុកប្រភេទជំនោរបរិសុទ្ធសមុទ្រ (Virgin Sea Breeze) ទឹកផ្លែ Cranberry ទឹកទំពាំងបាយជូរចាក់ទឹកផ្លែឈើទាំងពីរមុខនេះបរិមាណស្មើគ្នា ចូលទៅក្នងកែវ រួចកូរ ។ រស់ជាតិធ្វើឲ្យស្រស់ស្រាយចិត្ត ! ភេសជ្ជៈក្រឡុកប្រភេទ Cheat’s ‘ Bailey’s ’- ការ៉េម ½ ពែង - ទឹកសូកូឡា ¼ ពែង - ទឹកដោះគោ ¾ ពែង ចាក់វាទាំងអស់ចូលក្នុងម៉ាស៊ីនក្រឡុក និង ក្រឡុកវាឲ្យសព្វ រួចដាក់ទឹកកកបន្តិចមុនពិសា។ ភេសជ្ជៈប្រភេទនេះ ជួយបន្ថែមលើអាហារប្រចាំថ្ងៃរបស់អ្នក! ភេសជ្ជៈក្រឡុកប្រភេទ Virgin Margarita - ទឹកក្រូចឆ្មា ១៥ មិល្លីលីត្រ - ទឹកក្រូច ១៥ មិល្លីលីត្រ - ទឹកម្ជូរចម្រុះ ៤៥ មិល្លីលីត្រ ដាក់វាចូលទៅក្នុងម៉ាស៊ីនក្រឡុក ដាក់ទឹកកកបន្តិច ។ ក្រឡុកឲ្យសព្វ រួចចាក់ចូលកែវជាការស្រេច។ សូមអញ្ជើញពិសា ! អាហារដែលគួរជៀសវាងពេលមានផ្ទៃពោះការញ៉ាំអាហារដែលមានសុខភាព ក្នុងអំឡុងពេលកំពុងមានផ្ទៃពោះ គឺផ្តោតសំខាន់ខ្លាំង ផងដែរទៅលើអាហារណាខ្លះដែលត្រូវចៀសវាង។ អាហារខ្លះអាចធ្វើឲ្យប៉ះពាល់ដល់ទារករបស់អ្នក និងធ្វើឲ្យអ្នកឈឺ។ ដូច្នេះ សុវត្ថិភាពចំណីអាហារ ត្រូវតែជាចំណុចអាទិភាព។ ឥឡូវ អ្នកមានផ្ទៃពោះ អ្នកគួរតែចៀសវាងអាហារដូចខាងក្រោនេះ ៖
ការជក់បារីក្នុងពេលមានផ្ទៃពោះតើអ្នកកំពុងមានផ្ទៃពោះ ឬ កំពុងចង់មានគភ៌ឬ ? តទៅនេះ គឺជាព័ត៌មានដែលស្រ្តីជិតក្លាយជាមាតាទារកគ្រប់រូបគួរដឹងពាក់ព័ន្ធនឹងការជក់បារី៖ ទម្លាប់ជក់បារីបានផ្លាស់ប្តូរជាច្រើន ក្នុងរយៈពេលប៉ុន្មានឆ្នាំចុងក្រោយនេះ ដ្បិតយើងកាន់តែយល់ដឹងអំពីគ្រោះថ្នាក់ដែលអាចកើតមានជាយថាហេតុពីការជក់បារី។ ឧទាហរណ៍ កាលពីមុន គេថាស្រ្តីមានគភ៌ជក់បារីអាចធ្វើឲ្យគ្រោះថ្នាក់ដល់ទារកក្នុងផ្ទៃ។ ប៉ុន្តែ ការសិក្សាបានរកឃើញថា ការស្រង់ផ្សែងបារីក៏អាចមានគ្រោះថ្នាក់ដែរ និង សូម្បីតែជក់បារីមុនពេលមានគភ៌ក៏មានគ្រោះថ្នាក់ ។ ស្រ្តីដែលជក់បារីអាចពិបាកមានគភ៌ ។ ប៉ុន្តែ មិនមែនឲ្យតែស្រ្តីជក់បារីសុទ្ធតែជាដើមហេតុនៃបញ្ហានេះនោះទេ ។ បុរសដែលជក់បារី គួរគិតផ្តាច់បារីផងដែរ ដ្បិតការជក់បារីអាចប៉ះពាល់ដល់គុណភាព និង ការផ្លាស់ទីរបស់ទឹកកាមបុរស ។ បញ្ហាដែលកើតមាន ប្រសិនបើអ្នកជក់បារីក្នុងពេលមានគភ៌កាលណាអ្នកជក់បារី អ្នកនឹងស្រូបផ្សែងបារីច្រើនដែលផ្ទុកទៅដោយសារធាតុគីមីពុល។ ផ្សែងនេះប៉ះពាល់ដល់ដំណើរខ្យល់ដកដង្ហើមរបស់អ្នក ។ អុកស៊ីហ្សែននៅក្នុងឈាមរបស់អ្នកនឹងត្រូវជំនួសដោយឧស្ម័នពុល ។ នេះមានន័យថា ប្រសិនបើអ្នកជក់បារីពេលកំពុងមានផ្ទៃពោះ ទារកនៅក្នុងផ្ទៃរបស់អ្នកនឹងទទួលអុកស៊ីហ្សែន និងជីវជាតិអាហារបំប៉នបានតិចតួច ប៉ុន្តែទទួលជាតិគីមីពុលបានច្រើន ហើយបេះដូងរបស់ទារកនឹងត្រូវប្រឹងលោតញាប់ ដ្បិតវាត្រូវការអុកស៊ីហ្សែនដែលមិនគ្រប់នោះ ។ របៀបដែលការជក់បារីប៉ះពាល់ដល់រូបអ្នក ក្នុងពេលមានគភ៌ជាមធ្យម ស្រ្តីដែលជក់បារី ងាយរងផលប៉ះពាល់ពីប្រការខាងក្រោម ជាងស្រ្តីដែលមិនជក់បារី ៖
របៀបដែលការជក់បារីប៉ះពាល់ដល់ទារករបស់អ្នក ក្នុងពេលមានគភ៌ទារកក្នុងផ្ទៃស្រ្តីដែលមានគភ៌ ដែលនៅបន្តជក់បារី ងាយនឹងជួបបញ្ហាដូចខាងក្រោម ៖
ចូរព្យាយាមផ្តាច់បារី មុនពេលអ្នកមានគភ៌ប្រសិនបើអ្នកផ្តាច់បារីបានមុនពេលអ្នកមានគភ៌ អ្នកមិនត្រឹមតែមានទារកសុខភាពល្អតាំងពីដើមទីនោះទេ អ្នកនឹងអាចបន្តផ្តាច់បារីបានយូរផងដែរ ។ ប្រការនេះធ្វើឲ្យអ្នកងាយផ្តាច់បារីក្នុងពេលមានគភ៌ និង ពេលក្រោយៗមកទៀត ។ ជំនួយក្នុងការផ្តាច់បារីសម្រាប់ស្រ្តីដែលជិតក្លាយជាមាតាទារកយើងមានដំណឹងល្អ! ឥឡូវនេះ ដោយសារគ្រោះថ្នាក់នៃការជក់បារីត្រូវបានគេដឹងឮសុះសាយ អ្នកមិនពិបាកជំនួយដើម្បីផ្តាច់បារីនោះទេ ។ គ្រូពេទ្យរបស់អ្នកអាចផ្តល់ដំបូលន្មាន និង ការលើកទឹកចិត្តជាច្រើនដល់អ្នក និង អាចជួយណែនាំអ្នកឲ្យទៅរកក្រុមជំនួយផ្តាច់បារីនៅជិត ៗអ្នកបានផងដែរ ។ អ្នកខ្លះអាចឆាប់ផ្តាច់បារីបាន ប្រសិនបើមានគេឯងជួយគាត់ ។ ការហាត់ប្រាណក្នុងពេលមានផ្ទៃពោះប្រយោជន៍នៃការហាត់ប្រាណ និង ការរក្សាសុខភាពឲ្យបានល្អ ក្នុងពេលមានផ្ទៃពោះ ក្នុងពេលដែលអ្នកកំពុងបង្កើនកម្រិតថាមពលរបស់អ្នកជាការល្អ ចូរអ្នកហាត់ប្រាណបន្តិចបន្តួចខ្លះផង ។ ដ្បិតការហាត់ប្រាណអាចជួយ ៖
តើលំហាត់ប្រាណប្រភេទណាខ្លះ ដែលអាចធ្វើបានដោយគ្មានបញ្ហា ក្នុងពេលមានគភ៌ ?ប្រសិនបើអ្នកមិនមានទម្លាប់ហាត់ប្រាណពីមុនមក ជាការល្អបំផុតពេលមានគភ៌ ចូរអ្នកកុំចាប់ផ្តើមហាត់ប្រាណគំហុក ។ ចូរសុំយោបល់ពីគ្រូពេទ្យអ្នកជាមុនសិន ។ ទោះជ្រើសរើសការហាត់ប្រាណប្រភេទណាមួយក៏ដោយអ្នកគួរគិតអំពីលំហាត់ប្រាណស្រាល ៗ ងាយៗមិនប៉ះពាល់ដល់ទារករបស់អ្នក។ ដូច្នេះ ចូរសាកជ្រើសយកលំហាត់ប្រាណខ្លះដូចខាងក្រោម ៖
ថ្នាក់ហាត់ប្រាណក្នុងពេលមានគភ៌ប្រសិនបើអ្នកទៅថ្នាក់ហាត់ប្រាណ ត្រូវប្រាប់គ្រូបង្វឹករបស់អ្នកឲ្យដឹងថាអ្នកមានផ្ទៃពោះ។ ចូរពិគ្រោះជាមួយគាត់ ប្រាប់គាត់ថាអ្នកត្រូវការអ្វី និង ត្រូវរកគ្រូបង្ហឹកណាដែលមានគុណសម្បត្តិក្នុងការបង្ហាត់អ្នកមានផ្ទៃពោះ ដ្បិតគ្រូបែបនេះ អាចផ្តល់ដំបូន្មានល្អៗចំគោលដៅដែលអ្នកចង់បាន ។ ការហាត់ប្រាណមានសុវត្ថិភាព ក្នុងពេលមានគភ៌ចូរអ្នកចងចាំចំណុចមួយចំនួនទៀត ដូចជា ៖
ការហាត់ប្រាណ និង ប្រការដែលគួរចៀសវាង ក្នុងពេលមានគភ៌ប្រការដែលស្រ្តីមានផ្ទៃពោះគួរចៀសវាងរួមមាន៖
ចូរពិគ្រោះយោបល់ជាមួយគ្រូពេទ្យរបស់អ្នករាល់ពេល មុនអ្នកចាប់ផ្តើមហាត់ប្រាណប្រភេទណាមួយ ។ អាការរហិតរហៃ និង អស់កម្លាំងខ្លាំង ក្នុងពេលមានផ្ទៃពោះវិធីសម្រួលអាការរហិតរហៃ និង អស់កម្លាំងខ្លាំង ក្នុងពេលមានផ្ទៃពោះ ការទប់ទល់នឹងអាការរហិតរហៃក្នុងពេលមានផ្ទៃពោះមិនមែនជាការងាយស្រួល នោះទេ ។ ជាពិសេសនៅដំណាក់កាលជិតសម្រាលកូន។ មានប្រការមួយចំនួន ដែលអ្នក អាចធ្វើ ដើម្បីសម្រួលអាការអស់កម្លាំងនេះ ៖
ការរលូតកូនប្រការដ៏គួរឲ្យសោកសៅនៃការមានផ្ទៃពោះ ការដែលទារកមិនអាចនៅគង់ក្នុងផ្ទៃបាន ក្នុងរយៈពេល ២៤ សប្តាហ៍ដំបូងក្នុងពេលមានផ្ទៃពោះ គឺគេហៅថារលូតកូន។ វាជាបទពិសោធដ៏ជូរចត់ ដែលស្រ្តីមានផ្ទៃពោះឆ្លងកាត់ ។ ស្រ្តីមានគភ៌ម្នាក់ក្នុងចំណោមប្រាំពីរនាក់ ជួបបញ្ហារលូតកូននេះ។ ជាការគួរឲ្យសោកសៅណាស់ ដែលការរលូតកូននេះកើតឡើងញឹកញាប់ដូច្នេះ ។ ទោះបីមានស្រ្តីខ្លះក្ររលូតកូនស្រ្តីភាគច្រើនរលូតកូននៅអំឡុង ១៣ សប្តាហ៍ដំបូងនៃពេលមានគភ៌ ។ តើកត្តាអ្វីដែលបណ្តាលឲ្យរលូតកូន ?ជាទូទៅ ការរលូតកូនក្នុងត្រីមាសដំបូង គឺពាក់ព័ន្ធនឹងភាពមិនប្រក្រតីរបស់ទារកដែលតាំងគភ៌។ ការរលូតកូននៅដំណាក់កាលបន្ទាប់ពីនោះ គឺអាចបណ្តាលមកពីស្ថានភាពជាច្រើន រួមមាន ជំងឺឆ្លង ភាពមិនប្រក្រតីរបស់សុក ឬ ស្បូន ឬ កស្បូនខ្សោយ។ ទោះជាយ៉ាងនេះក្តី មានពេលខ្លះ គេមិនដឹងមូលហេតុនៃការរលូតកូននេះទេ ។ គេមានតេស្តពីរ ដែលគេប្រើដើម្បីរកឲ្យឃើញនូវភាពមិនប្រក្រតីរបស់ទារក (ការចោះភ្នាសទឹកភ្លោះ និង ការពិនិត្យជាលិកាសរសៃឆ្មារក្នុងសុក)។ ប៉ុន្តែតេស្តទាំងនេះ អាចមានគ្រោះថ្នាក់ដល់ការមានផ្ទៃពោះ។ ប្រសិនបើ គ្រូពេទ្យអ្នកចង់ធ្វើតេស្តនេះ គាត់គួរពន្យល់ឲ្យអ្នកយល់ក្បោះក្បាយអំពីគ្រោះថ្នាក់នៃការធ្វើតេស្ត និង ការមិនធ្វើតេស្ត ។ ប្រភព៖ youngwomenshealth ដោយ៖ វណ្ណៈ ទាញយក (PDF) |
29 - 02 - 2020
